Gamanisu Omme Neenu Lyrics | Mungaru Male 2 | 2016

Gamanisu Omme Neenu Lyrics
(Mungaru Male 2)

---

Song: Gamanisu Omme Neenu Movie: Mungaru Male 2 (2016) Singers: Sonu Nigam Lyrics: Jayanth Kaikini Music : Arjun Janya Starring: Ganesh, V. Ravichandran, Neha Shetty

---

Every morning, I remember you
Every noon, Every night
I'll be there for you
My heart says, that I love you
And my soul will burn
Always for you

ಗಮನಿಸು ಒಮ್ಮೆ ನೀನು
ಬಯಸಿಹೆ ನಿನ್ನೆ ನಾನು
ನಂಬದೆ ಏಕೆ ದೂರುವೆ ನನ್ನನು
ಹೃದಯದಾ ಮೂಲೆ ಮೂಲೆ
ದಹಿಸಿದೆ ನಿನ್ನ ಜ್ವಾಲೆ
ಇರಬಹುದೇ ಹೇಳು ಕರಗದೇ
ಬರಬಹುದೇ ದಾರಿ ಮರೆಯದೆ
ಬಿಸಿಯೇ ಇರದ ಉಸಿರು ನಾನು
ನೀನು ಇರದೇ..
ಗಮನಿಸು ಒಮ್ಮೆ ನೀನು
ಬಯಸಿಹೆ ನಿನ್ನೆ ನಾನು
ನಂಬದೆ ಏಕೆ ದೂರುವೆ ನನ್ನನು


Every morning, I remember you
Every noon, Every night
I'll be there for you
My heart says, that I love you
And my soul will burn
Always for you


ನನ್ನ ಜಗವೇ ನಿನ್ನ
ಹಿಡಿತಕೆ ಸಿಲುಕಿದೆ
ನಾನಾ ಬಗೆಯ ಭಾವನೆಯ
ಹೊಡೆತಕೆ, ಚಡಪಡಿಸಿದೆ
ತಡೆದಿರೊ ಮಾತೆಲ್ಲವು
ತಲುಪಲೇ ಬೇಕಲ್ಲವೆ
ನಗಬಹುದೆ ಮೌನ ಮುರಿಯದೆ
ಸಿಗಬಹುದೆ ದೂರ ಸರಿಯದೆ
ಕಳೆದು ಹೋದ ಮಗುವು ನಾನು
ನೀನು ಇರದೇ


ಚೂರು ಮರೆಗೆ ನೀನು
ಸರಿದರೂ ಸಹಿಸೆನು
ನೀನೆ ತೆರೆದು ನೋಡು
ಹೃದಯದ ಬೇಗುದಿಯನು
ಬದುಕಲು ಈ ನೂತನ
ನೆಪಗಳೇ ಸಾಕಲ್ಲವೆ
ಕೊಡಬಹುದೇ ನೋವ ಒಲಿಯದೆ
ಬಿಡಬಹುದೆ ಜೀವ ಬೇರೆಯದೆ
ಕಿಟಕಿ ಇರದ ಮನೆಯು ನಾನು
ನೀನು ಇರದೇ


Every morning, I remember you
Every noon, Every night
I'll be there for you

Ee Sanje Yeke Jarutide Lyrics
(Rangitaranga)

---

Song: Ee Sanje Yeke Jarutide Movie: Rangitaranga (2015) Singers: Abhay Jodhpurkar, Gokul Abhishek, Monisha Lyrics: Anup Bhandari Music : Anup Bhandari Starring: Nirup Bhandari, Avantika Shetty, Radhika Chetan, Sai Kumar

---

Kannada Lyrics

Female: 

Hmm.. Na na na..

Male:

ಈ ಸಂಜೆ ಏಕೆ ಜಾರುತಿದೆ
ಸದ್ದಿಲ್ಲದಂತೆ ಸಾಗುತಿದೆ
ಬೆಳಕ ಸೆರೆಯ ತೊರೆದು
ಈ ಸಂಜೆ ಏಕೆ ಜಾರುತಿದೆ
ನೆರಳನೆ..  ಅರಿಯದ..
ಅಪರಿಚಿತ..  ದಾರಿಯಲಿ
ಇರುಳಿನ.. ಸನಿಹಕೆ
ಈ ಸಂಜೆ ಏಕೆ ಜಾರುತಿದೆ
Hmmm...

ಕಾರ್ಮೋಡ ಮಡಿಲಲ್ಲಿ ಹಸಿ ಮಲಗಿಸಲು
ಶಶಿ ಇನ್ನೂ ಬರಲಿಲ್ಲ ಭುವಿ ಬೆಳಗಿಸಲು
ಸೂರ್ಯನು ಅರಳುವಾವರೆಗೆ
ಬೆಳಕನೆ ಕಾಣದ ಧರೆಗೆ
ವಿಹಾರಿಸೋ ಈ ಹಂಬಲದೊಂದಿಗೆ
ಹತ್ತಿರ ತೀರವ ಸೇರಿ
ಕತ್ತಲೆಯ ತೇರನ್ನೆರಿ
ಬೀಸುವ ಗಾಳಿಯ ಜೊತೆಗೆ

ಈ ಸಂಜೆ ಏಕೆ ಜಾರುತಿದೆ

ಮುಸುಕನ್ನು ತೆರೆದಾಗ ಬರೋ ನಸುಕಿನಲಿ
ನಸುಕುಂಟು ಜೋಪಾನ ಕಳ್ನುಸುಕಿನಲಿ
ಸೆಳೆಯುವ ನೆನಪಿನ ಇರುಳು
ಹೋದರೆ ಶಾಶ್ವತ ಇರುಳು
ಈ ಮಾತಿನ ತಿರುಳನು ಅರಿಯದೆ
ಮುಂಗುರುಳನ್ನು ಹಿಂದೆ ತಳ್ಳಿ
ನಿಲ್ಲದಂತ ವೇಗದಲ್ಲಿ
ಹಾರುವ ಹಕ್ಕಿಯ ಜೊತೆಗೆ

ಈ ಸಂಜೆ ಏಕೆ ಜಾರುತಿದೆ...

Beeso Gaali Jothe Lyrics (1st Rank Raju)

---

Song: Beeso Gaali Jothe (Ekangi)  Movie: 1st Rank Raju (2015) Singers: Sonu Nigam Lyrics: Kiran Ravindranth Music : Kiran Ravindranth Starring: Gurunandan, Apoorva Gowda, Achyuth Kumar, Sudha Belavadi

---

Kannada Lyrics

ಬೀಸೋ ಗಾಳಿ ಜೊತೆ ಬೀದಿ ದೀಪಗಳು 
ಮಾತನಾಡುತಿರುವಾಗ
ಖಾಲಿ ದಾರಿ ಜೊತೆ ಮೈಲಿಗಲ್ಲುಗಳು
ಮಾತನಾಡುತಿರುವಾಗ
ಏಕಾಂಗಿ... ನಾನು ಏಕಾಂಗಿ 
ಎಲ್ಲೋ ಆಚೆಗೆ ಮರೆಯಾಗಿ
ಏನೋ ಕಾದಿದೆ ನನಗಾಗಿ

Chorus: 
ಗೋವಿಂದ ಗೋವಿಂದ ಹರೇ 
ಗೋಪಾಲ ಗೋಪಾಲ ಹರೇ 
ಗೋವಿಂದ ಗೋವಿಂದ ಹರೇ ಗೋಪಾಲ.. 

ಎಷ್ಟೊಂದು ಪಾತ್ರ ನೀಡುವ.. 
ಬದುಕೊಂದು ಧಾರವಾಹಿಯೇ.. 
ಈ ನಾಲ್ಕು ಗೋಡೆ ಆಚೆಗೆ
ನಿಜವಾದ ಪಾಠಶಾಲೆಯೇ
ಎಲ್ಲ ಹಿಂದೆಯೇ ಮರೆಯಾಗಿ 
ಹೂವು ಕಾದಿದೆ ನನಗಾಗಿ

ಬೀಸೋ ಗಾಳಿ ಜೊತೆ ಬೀದಿ ದೀಪಗಳು 
ಮಾತನಾಡುತಿರುವಾಗ
ಖಾಲಿ ದಾರಿ ಜೊತೆ ಮೈಲಿಗಲ್ಲುಗಳು
ಮಾತನಾಡುತಿರುವಾಗ
ಏಕಾಂಗಿ... ನಾನು ಏಕಾಂಗಿ 
ಎಲ್ಲೋ ಆಚೆಗೆ ಮರೆಯಾಗಿ
ಏನೋ ಕಾದಿದೆ ನನಗಾಗಿ

Karune Illada Dharaniya Kande - ASURA Lyrics

Song:	Karune Illada
Movie:	Asura [2001]
Singers:	Rajesh Krishnan
Lyrics:	K. Kalyan
Music Director:	Gurukiran
Starring:	Shivrajkumar, Damini

---

ಕರುಣೆ ಇಲ್ಲದ ಧರಣಿಯ ಕಂಡೆ, ಕೆಂಡವ ಕಾರುವ ಗಗನವ ಕಂಡೆ,
ವಿಷವನು ತೂರುವ ಗಾಳಿಯ ಕಂಡೆ, ಎದೆಯನು ಉರಿಸುವ ಬೆಂಕಿಯ ಕಂಡೆ,
ಸುಳಿಯನು ಮುಳುಗಿಸೋ ನೀರನು ಕಂಡೆ, ಬೊಗಸೆಯ ನೀರಲು ಸುಳಿಯನು ಕಂಡೆ,
ಹೂವಿನ ಎದೆಯೆಲಿ ಮುಳ್ಳನು ಕಂಡೆ, ಹಿಮದಲಿ ಜ್ವಾಲಮುಖಿಯನು ಕಂಡೆ,
ರೆಕ್ಕೆಯ ಬಿಚ್ಚದ ಹಕ್ಕಿಯ ಕಂಡೆ, ಹಾಡಲು ಬಾರೆದ ಕೋಗಿಲೆ ಕಂಡೆ,
ಮುತ್ತೆ ಇಲ್ಲದ ಕಡಲನು ಕಂಡೆ, ಗಂಧವ ಚಲ್ಲದ ಹೂ ಗಳ ಕಂಡೆ,
ಜೇನನು ಹೀರದ ದುಂಬಿಯ ಕಂಡೆ, ದಿನಗಳ ನುಂಗುವ ಕ್ಷಣಗಳ ಕಂಡೆ,
ದಿಕ್ಕುಗಳಿಲ್ಲದ ದಾರಿಯ ಕಂಡೆ, ದಾರಿಗಳಿಲ್ಲದ ದಿಕ್ಕನು ಕಂಡೆ,
ಮೋಡದ ಹನಿಯಲು ಬೆವರನು ಕಂಡೆ, ಗಾಳಿಯ ಎದೆಯಲು ನಡುಕವ ಕಂಡೆ,
ಮಳೆಯ ಬಿಲ್ಲಲು ಕೊಳೆಯನು ಕಂಡೆ, ಇಬ್ಬನಿ ಕಣ್ಣಲು ಕಂಬನಿ ಕಂಡೆ,
ಗರ್ಭದ ಒಳಗೂ ಅಳುವನು ಕಂಡೆ, ಕೆಚ್ಚಲ ಹಾಲಲು ವಿಷವನು ಕಂಡೆ,
ಕಬ್ಬಿನ ಎದೆಯಲಿ ಬೇವನು ಕಂಡೆ, ನಗುವಿನ ಹೆಸರಲಿ ನೋವನು ಕಂಡೆ,
ಸಂಬಂಧಗಳಲಿ ಬಂಧನ ಕಂಡೆ, ಬಂಧನ ಬಿಡಿಸುವ ಕಂಪನ ಕಂಡೆ,
ಜೀವನಕೊಂದು ಯೌವ್ವನ ಕಂಡೆ , ಯೌವ್ವನಕೊಂದು ಜೀವನ ಕಂಡೆ,
ಚಪ್ಪಾಳೆಗಳಲ್ಲು ಸಿಡಿಲನು ಕಂಡೆ, ಬೆವರಿಳಿಸುವ ಬೆಳದಿಂಗಳ ಕಂಡೆ,
ಅಬಡುಗಚ್ಚುವ ನಿದ್ರೆಯ ಕಂಡೆ, ಪಲ್ಲವಿ ಇಲ್ಲದ ಚರಣವ ಕಂಡೆ,
ಗಂಡೆದೆಯಲ್ಲು ಗ್ರಹಣವ ಕಂಡೆ, ಸ್ವತಂತ್ರವಿಲ್ಲದ ಗಾಳಿಯ ಕಂಡೆ,
ಬಾನೆ ಇಲ್ಲದ ಬಾನಾಡಿ ಕಂಡೆ, ಜಾತಕ ವಿಲ್ಲದ ಕನಸನು ಕಂಡೆ,
ಜ್ನ್ಯಾಪಕ ವಿಲ್ಲದ ನೆನಪನು ಕಂಡೆ, ತೂಕವೇ ಇಲ್ಲದ ಮಾತನು ಕಂಡೆ,
ಸಿಡಿಲೆರೆಯುವ ತಿರುಮೌನವ ಕಂಡೆ, ಚೆಲುವಿನ ಮುಖದಲಿ ಕುರೂಪ ಕಂಡೆ,
ಒಲವಿನ ವ್ಯಾಘ್ರ ಸ್ವರೂಪ ಕಂಡೆ, ರೂಚಿಗಳೇ ಇಲ್ಲದ ಊಟವ ಕಂಡೆ,
ಅಭಿರುಚಿ ಕಾಣದ ಪಾಠವ ಕಂಡೆ, ಅಳುವ ವಯಸಲಿ ಆಸೆಯ ಕಂಡೆ,
ಆಡೋ ವಯಸಲಿ ಅವಲತಿ ಕಂಡೆ, ಕಲಿಯೋ ವಯಸಲಿ ಬಲಿಯನು ಕಂಡೆ,
ಒಂಟಿ ತನದಲಿ ಗಾಯವ ಕಂಡೆ, ಜಂಟಿ ತನದಲಿ ಮಾಯಾವ ಕಂಡೆ,
ನವಿಲು ಕಾಣದ ಗರಿಯನು ಕಂಡೆ, ಗುರುವೇ ಇಲ್ಲದೆ ಗುರಿಯನು ಕಂಡೆ,
ಸೂರ್ಯನ ಕನ್ನಲು ತೇವವ ಕಂಡೆ, ಇರುಳಲಿ ಬೆಳಗಿನ ಜಾವವ ಕಂಡೆ,
ರಾಜರು ಕಟ್ಟಿದ ಕೋಶವ ಕಂಡೆ, ಕೋಶವ ಮುರಿಯುವ ಶಾಸನ ಕಂಡೆ,
ದಾಸರು ಕಾಣದ ಪದವನ್ನು ಕಂಡೆ, ಬಡತನಕಿಂತಲೂ ಬಡತನ ಕಂಡೆ,
ಧರ್ಮರಾಯನಲು ಸುಳ್ಳನು ಕಂಡೆ, ಅಂಜನೆಯನಲು ಅಹಂ ಮ್ಮು ಕಂಡೆ,
ತಾಯಿಮಾತಲು ತಪ್ಪನು ಕಂಡೆ, ಭುವನೆಶ್ವರಿಯಲು ಬೇಧವ ಕಂಡೆ,
ನೆತ್ತರು ತುಂಬಿದ ಅನ್ನವ ಕಂಡೆ, ಹುಟ್ಟು ಸಾವಿನ ನಂಟನು ಕಂಡೆ,
ಧಗೆಯಲಿ ಚಿಗುರಿನ ಸ್ಪರ್ಶ ಕಂಡೆ, ಹಗೆಯಲ್ಲಿ ಸಲ್ಲದ ಹರುಷ ಕಂಡೆ,
ಸಹಿಸುವ ಆಸರೆಯೊಂದು ಕಂಡೆ, ದಹಿಸುವ ಧಮನಿಗಳನ್ನು ಕಂಡೆ,
ಸ್ನೇಹದ ಕೋಟಿ ಪವಾಡ ಕಂಡೆ, ದ್ರೋಹದ ಹೊಸ ಮುಖವಾಡ ಕಂಡೆ,
ಇಳಿಸಲು ಆಗದ ಹೊರೆಯನು ಕಂಡೆ, ಹಣೆ ಬರಹಕೆ ಪ್ರತಿ ಹೊಣೆಯನು ಕಂಡೆ,
ಛಲದ ಮನಸಿಗೆ ಚಾವಡಿ ಕಂಡೆ, ಮನಸಾ ಕುಕ್ಕಿಸೋ ಲೇವಡಿ ಕಂಡೆ,
ಸೋಲುಗಳಲ್ಲೇ ಗೆಲುವನು ಕಂಡೆ, ಗೆಲುವಲೆ ಸೋಲಿನ ರುಚಿಯನು ಕಂಡೆ,
ಕಣ್ಣಗಳ ತಿವಿಯುವ ಕನ್ನಡಿ ಕಂಡೆ, ಬದುಕನೇ ಕಲುಕುವ ಮುನ್ನುಡಿ ಕಂಡೆ,
ಇಳಿಜಾರಿನಲ್ಲ ದಿಣ್ಣೆಯ ಕಂಡೆ, ದಿಣ್ಣೆಯಲಿ ಇಳಿಜಾರನು ಕಂಡೆ,
ಹೆಣವನ ದಾರಿಯ ಬೆಜವ ಕಂಡೆ, ಮೂಗನ ಎದೆಯಲು ರಾಗವ ಕಂಡೆ,
ಮೂರ್ಖನ ಕೈಯಲ್ಲಿ ಮಾರ್ಗವ ಕಂಡೆ, ಕಾಲದ ಕೈಯಲ್ಲಿ ಕಂಡ್ಗವ ಕಂಡೆ,
ಜೊತೆಯಲಿ ಬಾಳುವ ಕಥೆಗಳ ಕಂಡೆ, ಕಥೆಯಾಗಿರು ಜೊತೆಯ ಕಂಡೆ,
ಜೀವನದೂದಕೂ ನೋವನೆ ಕಂಡೆ, ಆದರು ಪ್ರೀತಿಯು ಕಾಣಲಿಲ್ಲ,
ಭಯಸಿದ್ದೊಂದು ಸಿಗಲಿಲ್ಲ, ಸತ್ತು ಬದುಕೋ ಬದುಕೆಕಿನ್ನು, ಪ್ರೀತಿಸೊ
ಮರಣ ಕಂಡೇ...  
Lyrics provided by:

- Raghavendra M

Onde Usiranthe Lyrics (Sneha Loka)

---

Song: Onde Usiranthe Movie: Snehaloka (1999) Singers: Rajesh Krishnan, K.S. Chitra Lyrics: Hamsalekha Music : Hamsalekha Starring: Ramkumar, Ramesh Aravind, Anu Prabhakar, Shahikumar

---

Kannada Lyrics

ಹಾಡು ಹಾಡು ಒಂದು ಹಾಡು ಹಾಡು

Hmm...

ಹಾಡದಿದ್ದರೆ ನನ್ನ ಹಾಡು ಕೇಳು

Hmm...

ಉಸಿರು ಕಟ್ಟಿ ಹಾಡುವೆ ಈ ಹಾಡು

Hmm...

ಈ ಉಸಿರು ನಿಂತರೆ ನಿಂಗೇ ನಷ್ಟ ನೋಡು

ಒಂದೇ ಉಸಿರಂತೆ ಇನ್ನು ನಾನು ನೀನು

ನಾನು ನೀನು ಬೇರೆ ಏನು

ನೀನೆ ನಾನು ನಾನೆ ನೀನು

ಒಂದೇ ಕಡಲಂತೆ ಇನ್ನು ನಾನು ನೀನು

ತೀರ ಸಾಗರ ಬೇರೆ ಏನು

ಬೇರೆ ಎಂದರೆ ಅರ್ಥ ಏನು

ಹಾಡೇ ಕೋಗಿಲೆ ಒಂದೇ ಉಸಿರಿನಲಿ

ಚಂದಿರನನ್ನು ಚಂದಿರನೆನ್ನಲು

ಅಂಜಿಕೆಯೇನು ಅಳುಕಿನ್ನೇನು

ಕೇಳೇ ಕೋಗಿಲೆ ನನ್ನ ಕೊರಳಿನಲಿ

ನಿನ್ನ ಹೆಸರೇ ಕೊನೆಯ ಮಾತು

ಕೊನೆಯ ನಾದ ಕೊನೆಯ ವೇದ

ಪ್ರೀತಿ ಪ್ರೀತಿ ಪ್ರೀತಿ ಪ್ರೀತಿ

ಕೊಡುವೆ ನನ್ನ ಪ್ರಾಣ ಪ್ರೀತಿ

Hmm... Ooo..

ಒಂದೇ ಉಸಿರಂತೆ ಇನ್ನು ನಾನು ನೀನು

ನಾನು ನೀನು ಅಲ್ಲ ಇನ್ನು

ನೀನೆ ನಾನು ನಾನೆ ನೀನು

ಯತ್ತ ಇತ್ತೋ ಎಂತೋ ಬಂತೊ ಕಾಣೆ ನಾನು

ಒಂದೇ ಧೈರ್ಯ ಒಂದೇ ಹುರುಪು

ಹಾಡೊ ಹಂಬಲ ತಂದೆ ನೀನು

ಕೋಟಿ ಕೋಗಿಲೆ ಒಂದೇ ಉಸಿರಿನಲಿ

ಪ್ರೀತಿ ಮಾಡು ಪ್ರೀತಿಯ ಬೇಡು

ಅಂದಿದೆ ಅಂದಿದೆ ಹಾಡಿದೆ ಹೆಣ್ಣೆದೆ

ಅಂತರಂಗದ ಸಹ್ಯಾದ್ರಿ ಮಡಿಲಲಿ

ನೂರು ನವಿಲಾಗಿ ಹೃದಯ

ಆಡಿದೆ ಆಡಿದೆ ಕುಣಿದಿದೆ ಕುಣಿದಿದೆ

ಕಾದಿದೆ ಕಾದಿದೆ ಪ್ರೀತಿಯ ನೀಡಲು

ಒಂದೇ ಉಸಿರಲಿ ನಿಂತಿದೆ ನಿಂತಿದೆ

ಓ...

ಇಂದು ಪ್ರೀತಿಯು ಹಾಡಿದ ಪರ್ವ ದಿನ ಆ...

ಇಂದು ಪ್ರೀತಿಯು ಹಾಡಿದ ಪರ್ವ ದಿನ

ಅದ ಕೇಳಲು ದಕ್ಕಿದ ಪುಣ್ಯ ದಿನ

ಅದು ಬೆಳಕಂತೆ ಮುಟ್ಟಲಾಗದಂತೆ

ಬೆಳದಿಂಗಳಂತೆ ಅಪ್ಪಲಾಗದಂತೆ

ಗೆಳತಿ ಗೆಳತಿ ಪ್ರೀತಿಯ ಗೆಳತಿ

ನೀನೆ ನನ್ನೀ ಪ್ರೀತಿಯ ಒಡತಿ

ಬ್ರಹ್ಮ ಬಾರಿ ಜಾಣ ಜಾಣ

ನಾರೀಲಿಟ್ಟ ಪ್ರೀತಿ ಪ್ರಾಣ

ನಾರಿ ನೀನೆ ಪ್ರೀತಿಯ ರೂಪ

ನೀನೆ ತಾನೇ ಹೃದಯದ ದೀಪ

ಹೊತ್ತಿಕೊಂಡಿತಮ್ಮ ನಮ್ಮ ಪ್ರೀತಿ ಜ್ಯೋತಿ

ಗಾಳಿ ಅಲ್ಲ ಮಳೆಯೂ ಅಲ್ಲ

ಭೂಮಿ ಬಿರಿದರು ಆರೋದಿಲ್ಲ

ಒಂದೇ ದೀಪದಂತೆ ಇನ್ನು ನಾನು ನೀನು

ಎಣ್ಣೆ ದಾರ ಬೇರೆ ಏನು

ಬೇರೆ ಎಂದರೆ ಅರ್ಥ ಏನು

ಚಂದಮಾಮನೇ ಕೇಳೊ ನಮ್ಮಿಬ್ಬರ

ನೀನು ಕಂಡ ಪ್ರೇಮಿಗಳಲ್ಲಿ

ನಮ್ಮನು ಸೇರಿಸು ಅವರಿಗು ಹೋಲಿಸು

ಚಂದಮಾಮನೇ ಕೇಳೊ ನಮ್ಮಾಣೆಯ

ನಮ್ಮಿಂದಂತು ಪ್ರೀತಿಗೆ ದ್ರೋಹ

ಆಗದು ಆಗದು ಎಂದಿಗೂ ಆಗದು

ಆಗುವೂದಾದರೆ ಇಂದೇ ಆಗಲಿ

ಆಗುವ ಮೊದಲೇ ಪ್ರಾಣ ಹೋಗಲಿ

 

ಆ...

ಚಂದನ ಚಂದನ ಕಂಪಿನ ಚಂದನ

ನಿನ್ನೀ ಉಸಿರಿನ ಕಸ್ತೂರಿ ಸಿಂಚನ

ಕಂಪನ ಕಂಪನ ಇಂಪಿನ ಕಂಪನ

ನಿನ್ನೀ ಮಾತಿನ ಅಮೃತ ಸಿಂಚನ

ಗಾಯನ ಗಾಯನ ನಿನ್ನೀ ಪ್ರೀತಿಯ

ಜೀವನ ಚೇತನ ಗಾಯನ ಗಾಯನ

ಅಯನ ಅಯನ ನಿನ್ನ ನೆರಳಲಿ

ನನ್ನೀ ಜನುಮದ ಪ್ರೇಮಾಯನ

ನಡೆ ಕಲ್ಲಿರಲಿ ಕಲ್ಲು ಮುಳ್ಳಿರಲಿ...

ಕಲ್ಲಿರಲಿ ಕಲ್ಲು ಮುಳ್ಳಿರಲಿ

ನಡೆ ಮಳೆಯಿರಲಿ ಮಳೆ ಬಿಸಿಲಿರಲಿ

ಪ್ರೇಮಾಯನಕೆ ನಿನ್ನ ನೆರಳಿರಲಿ

ಜನುಮಾಯನಕೆ ನಿನ್ನ ಕೊಡೆಯಿರಲಿ

ಭಯವಿಲ್ಲ ಇನ್ನು ಭಯವಿಲ್ಲ

ನನ್ನ ನಿರ್ಧಾರ ಇನ್ನು ನನದಲ್ಲ

ನನ್ನಾ ಎದೆಯಲೊಬ್ಬ ಚಂದ್ರ

ಬೆಳ್ಳೀ ಬೆಳಕ ತಂದ ತಂದ

ಪ್ರೀತಿಯಂದರೇನು ಅಂದ

ಕೇಳಿ ತಾನೇ ಉತ್ತರ ತಂದ

ಸ್ವಚ್ಛ ಬಿಳುಪಿನಂತೆ ಇನ್ನು ನಾನು ನೀನು

ಏಳು ಬಣ್ಣ ಸೇರಿ
ಬಿಳುಪಾದ  ಹಾಗೆ ನೀನು ನಾನು

ಒಂದೇ ಹಾಡಂತೆ ಇನ್ನು ನಾನು ನೀನು

ಏಳು ಭಾವ ಕೂಡಿಕೊಂಡ

ಬಾಳಿನಂತೆ ನಾನು ನೀನು

ಚಂದಮಾಮನೇ ಕೇಳೊ ನಮ್ಮಿಬ್ಬರ

ನೀನು ಕಂಡ ಪ್ರೇಮಿಗಳಲ್ಲಿ

ನಮ್ಮನು ಸೇರಿಸು ಅವರಿಗು ಹೋಲಿಸು

ಚಂದಮಾಮನೇ ಕೇಳೊ ನಮ್ಮಾಣೆಯ

ನಮ್ಮಿಂದಂತು ಪ್ರೀತಿಗೆ ದ್ರೋಹ

ಆಗದು ಆಗದು ಎಂದಿಗೂ ಆಗದು

ಆಗುವೂದಾದರೆ ಇಂದೇ ಆಗಲಿ

ಆಗುವ ಮೊದಲೇ ಪ್ರಾಣ ಹೋಗಲಿ

Hmm... Ooo..

ಒಂದೇ ಉಸಿರಂತೆ ಇನ್ನು ನಾನು ನೀನು

ನಾನು ನೀನು ಬೇರೆ ಏನು

ನೀನೆ ನಾನು ನಾನೆ ನೀನು

ಒಂದೇ ಕಡಲಂತೆ ಇನ್ನು ನಾನು ನೀನು

ತೀರ ಸಾಗರ ಬೇರೆ ಏನು

ಬೇರೆ ಎಂದರೆ ಅರ್ಥ ಏನು

ಹಾಡೇ ಕೋಗಿಲೆ ಒಂದೇ ಉಸಿರಿನಲಿ

ಚಂದಿರನನ್ನು ಚಂದಿರನೆನ್ನಲು

ಅಂಜಿಕೆಯೇನು ಅಳುಕಿನ್ನೇನು

ಕೇಳೇ ಕೋಗಿಲೆ ನನ್ನ ಕೊರಳಿನಲಿ

ನಿನ್ನ ಹೆಸರೇ ಕೊನೆಯ ಮಾತು

ಕೊನೆಯ ನಾದ ಕೊನೆಯ ವೇದ

ಪ್ರೀತಿ ಪ್ರೀತಿ ಪ್ರೀತಿ ಪ್ರೀತಿ

ಕೊಡುವೆ ನನ್ನ ಪ್ರಾಣ ಪ್ರೀತಿ